LA BOMBA IMBRIAGA
Quarantatrè giorni,
ca semo in trincea
magnar pane smarso,
dormire par tera.
Nissùn se ricorda
nissùni che scrive,
nissùn che tien nota
chi more e chi vive.
Ossst/regheta
chissà che 'ne riva
doman pì domani
'na bòta de vin
Ossst/regheta
ciapémo 'na bala
coi morti e coi vivi
struca li vizìn.
Silenzio sul fronte.
Qualcun ne prepara
un bel funerale,
con banda e con bara.
Silenzio, ecco el fis-cio;
l'ariva, la viene.
Doman sarà festa:
vestìve par bène.
Ossst/regheta
chissà che 'ne riva
doman pì domani
'na bòta de vin
Ossst/regheta
ciapémo 'na bala
coi morti e coi vivi
struca li vizìn.
Se snànara un merlo
nel ziel de cobalto.
Un boto, una sberla,
s-giantizi su un alto.
Se mai sarà ver
che ghe xe el padreterno,
'sta raza de bechi
va drita a l'inferno.
Ossst/regheta
se fusse nà bòta
se fusse nà bòta
ripiena de vin
Ossst/regheta
ma l'era una bomba
ma l'era una bomba
s-ciopà lì vizin
Bombà.