UN REPERTORIO
VENETO-VENEZIANO? SAREBBE BELLO.
Tira
na baveséla da primavera, sto ano al Marmolada, de quele che te stuzzega da per
tuto e te fa vogia de caminar in pressa…
Fuor di vernacolo,
questo 2009 per la ricorrenza del sessantesimo anno di attività del nostro coro
(di cui si dice altrove) e, per altre fortunate circostanze, nel vicino 2010, si
è voluto dal Direttivo dell’Associazione, e si percepisce con curiosità e
qualche buona preoccupazione nei coristi tutti, cogliere l’occasione per
rinnovare il repertorio del ‘Marmolada’. In quale direzione? Come sempre si
è fatto, grazie all’eclettismo e all’instan- cabile ricerca del nostro
Lucio Finco, ed oggi si continua a fare con il grande impegno di Claudio Favret,
fiutando e proponendo il meglio, in armonia e sobrietà, di quanto abbonda nel
mondo corale di ispirazione popolare, ma anche -ed è il caso presente-
rivolgendo meglio e di più le attenzioni del coro al fatto di essere
espressione, fuori da fanfaluche antistoriche e separatiste, di una grande
cultura e di un’originale società, quella veneta e veneziana.
Insomma, si va verso un
‘nuovo’ che esiste, o un ‘non nuovo’ da esplorare perché bello e
musicalmente originale, e nel nostro dialetto, illustre e da riamare.
Detto questo, perché sarebbe imprudente dire di più, faccio dono,
spero gradevole e gradito, al coro e a tutti gli amici ed appassionati che
apprezzano il suo lavoro, di un mio ‘poemetto’ dedicato alla nostra
splendida città: diciamo una personale introduzione al nuovo che piacevolmente
ci attende.
Venezia ga la freve
Venezia
ga la freve…
el
canalazzo par la Manica
co
xe sbarcà i americani
e
le gondole, in abito scuro,
xe
tuto un maresèlo,
sbatùe de qua e de là
come
barchete de carta
de
le volte perfin se rebalta,
anca
el fero da prova xe malandà
quele
da traghetto lo ga anca perso;
le
vèce barche a remi
lassando
da parte qualche sandoléto
ti
le vedi solamente a la Storica,
tuti
va a motor, tuti core in pressa
i
turisti xe come le cavaléte
e
‘l Canal Grando n’autostrada,
par
salizade, ponti e campièli
la
zente camina ingrumada
come
se fusse sempre Redentor
o la Madona de la Salute.
Le
peàte, ti te ricordi?
I
più zoveni, se ti ghe lo domandi
no
sa gnanca cossa che le gera:
le
veniva avanti, pian a pian
carghe
che l’acqua, co poco
rivava
a bagnar i trasti,
longhe,
lustre de pégola,
omeni
col remo pontà su la spala
a
caminar spenzendo in drio
un
de qua, st’altro de là, sul bordo,
sempre
la testa bassa
stesso
passo sempre,
che
pareva caminar su l’acqua
neri
de carbon, bianchi de calsìna
remi longhi come alberi…
E
i batipàli! a comandar
co
na canta mai finìa
i
colpi de màgio su le paline
“oh
ìssa eh!…ma ìsselo in alto, oh!”
quanto
strachi su quel pontón
a
sugar canali e scoverzer fondamente
da
quel tempo che a son de brazzi
de
no so quanti faghèri del Cansiglio
e
róveri e albèi de Somadida
i
ghe ga fato el lèto più sicuro
a sta cità, greve de storia e de marmi…
E
nu altri, da fioi, a zogar
par
cali e campièli
co
gerimo liberi da scuola
o
se a scuola no andavimo par gnente:
partìe de balon par ore
ognun
col scudeto de la so squadra
tacà
su la magiéta onfegada
na
volta su do
slanzando
la bala in canal
o
su le finestre de qualche palazzo;
e
dove che i maségni se zonta
puzài
in striche ben drite
o
sui gàtoli, stropài co la carta
co
biglie e pelónci a tenca e spana,
i
più siori co i bocìni de azzal
tuti
st’altri co le baléte de fragna,
ma
la gera na difarenza da poco;
e tirarghe ai mucéti de stampine
col tàco de scarto
che ne regalava i caleghèri
o co quelo che se costruivimo da soli,
un tondo de legno imbrochetà fisso
de maniera ch’el sbrissasse
par ben;
e drento le barche, dopo ‘l disnar
sui pagiòi resentai de fresco
dondolài da le onde e carezzai dal sol
a zogar a carte co la testa lezièra,
un odor de salso e de pégola forte
che anca desso ne stùssega
a passar davanti a un squero;
o su st’altro batèlo, quelo del giazzo
desligà de scondon a meza matina
su e zo par el rio de le Becarìe
a spenzarse, co le man su le àleghe
e su le rive, perché no ghe gera i remi,
l’emozion nel cuor de n’aventura vera;
e a smorosar, più grandéti,
e fumar celestine
drio de i tanti cantoni de sta cità
compiasente, un fià rufiana,
e da le fondamente, le sere d’istà,
a far gare de caorìi e sciómpe
e de corsa, par scampar mezi nui
co i ghèbi a le coste,
e sui bordi dei gàtoli
sotto i banconi del pésse
par el ziro d’Italia co i cìmbani
tuti sgionfi de cera e ben lustrài
questo co la figurina de Copi,
quelo co Bartali;
o co le canéte dei lampadari
a siegàrle in forma de cerbotàne
e svodar quaderni par cavar scartozzi,
e dal Ciancio, el garzon del fravo,
a storzer fèri par far muscoli,
o fora de l’ostaria da Toni
in coa co fa al cine
a vardar incantài la
prima television…
Anca i colori de sta cità gera diversi,
queli dei palazzi no de certo
rosoni e trifore, loze e fazzade
se spècia anca desso
sul verde del Canal
co la solenità de un corteo dogal,
ma nel cuor e ne le vene de Venezia
boteghéte de màscare a mière
banchi de monade da imbonir foresti
ga ciapà el posto dei vèci artesàni,
e l’odor de pizza e polpéte americane
de tramezini e gran turco scotà
vorìa scancelar i profumi de quei ani
dei crostini de polenta col muséto
e dei mezi vovi co le ceoléte,
de sardóni salài, cichéti
de tripa…
Come i rumori, la matina bonora:
gera ancora scuro, specie d’inverno
co rivava da le fondamente
el tontonar dei cari su le masegne
erbe e fruti, pésse e giazzo,
biave e carbon
e scampanava forte, tute insieme
le botiglie del late ne le casse de fero,
cussì tuti se desmissiava,
chi par verzer botéga
chi par corer in ufizio
mame e putèli par scuola e spesa,
no ghe gera caléta o campièlo
no ghe gera ostaria o magazen
indove che la zente no fusse insieme,
no caminasse darente,
ti te sentivi sempre a
casa…
Certo no ‘ndava tuto ben,
imbriaghi e dereliti no mancava
pari de famegia viveva de espedienti
e tante done par la rabia
se cavava i cavéi tra de lore,
ghe gera i malanosi che robava
altri che sfogava miseria e animosità
bastonandose da orbi par le strade
fin a lassar sangue par tera, sui muri
anca davanti a mame e fioléti
ai veci che zogava queti a l’ostaria:
certo la zente se rampegava
co i denti e co le onge
par no pensar più a la guera
par rimeter in riga le speranze,
certo se viveva a spentóni e sighi
ma a pensarghe ben, dopo tanti ani,
se lassavimo viver un fià tuti
drio la barufa ghe gera toleranza
gerimo un fià fioi de
la stessa mare…
Desso, co sto mar che ne cresse intorno
no se sa più cossa dir:
el spenze su le boche de porto
la laguna se sgionfa davanti al siròco
l’acqua core su par i canali
monta sora le rive, sempre più alta
la se impìra par i gàtoli
la rósega sabion e piere soto le case,
tuti se dà molto pensier
tuti ga le so rason
i ga tirà fora da la Bibia anca Mosè
par fermar le refolade de la
marèa,
e l’acqua alta no xe
solamente come da fioi
spècio par le foto dei foresti
o pista par le corse co i stivài;
i ne dise che la se porta drio i veleni
che li rancura da le fabriche
de Marghera,
e anca ti, ti la vedi piturada:
de qua arcobaleni de nafta
de là scoazze in procession.
E pur savarémo ben
come mantegnirla
sta cità che gavemo in cuor da secoli,
semo veneziani, idraulici da sempre
ghemo anca el Paleòcapa,
che sorveglia
in ponta al Canal Grando,
ai Papadòpoli;
e pur continuaremo a respirar
el salso del mar, a caminar
stranii par fondamente e campièli
indove che no va i turisti
indove che i niziòli sventola
su le corde tiràe tra le case
e gati e putèli zogava da vicin;
provaremo la maravégia del tentor
che pitura de verde e de turchin
sti rii che par nastri de seda,
e del bianco sfolgorar
dei ricàmi de marmo fin
che tuto el mondo vol veder
fin ne le cali più desmentegàe;
savaremo far ben
quel che i nostri vèci se aspèta
vardandone un fià incucài
da le pagine de na storia gloriosa,
e vegnirà un zorno, al primo inverno
co i ferài de la Piazza
se indormenza nel calìgo
che da soto le Procuratìe
davanti a le cupole de la Basilica
podaremo veder Dòsi vegnir avanti
e Capitani da mar e veneziani in sorte,
e bater le man senza tropo strepitar
farne co garbo segno de considerazion,
dirne che i ze contenti
ch’el miracolo de la Serenissima
de Venezia, zogia del mondo intiero,
xe ancora realtà, xe ancora vero.