Semo qua con na gran stèla

par doràre Maria e Gesù,

per portare la novèla

che xe nato el Redentor.

Caminando de giorno e de note

come fresca xe la stagion,

par i boschi e par le grote

senza vedar la procession.

Pena giunti a Betelème

tute le porte gera sarà

Par paura de xente strana

o de qualche traditor.

Arivài a la capana

madre Maria se lamentò,

la ghe dixe al so amato sposo:

« mi so stanca de caminar ».

Co’ fu stata mesa note

madre maria si risvegliò,

si svegliò con gran splendore:

jèra nato el Salvator!

Varda Maria il tuo figliolino

nato e nudo in meso al fen,

la si leva da testa il velo

par coprire el Re del ciel.

Non avendo né pese né pani

e né fogo da riscaldar

el so core no stava mai in pase,

sempre avea da sospirar.

I pastori faxéa alegría

al divino Salvator

I cantava « in acèsis Dei »,*

i cantava de vero cuor.

(*) « in acèsis Dei » è la deformazione

della frase latina « in excelsis Deo »