"Scolta
che te bato... el tempo"
ovvero “Educazione musicale” in versi ….
Dizeva
sempre el professor Zambon,
de
Musica decano al Tomaseo,
che
anca fin ch’el ciucia el biberon
ascolta
el mondo ogni bel puteo.
Ma
se i rumori lo disturba alquanto,
par
contro i “suoni” lo interessa tanto.
Se el sente un “crac” parchè s’ha roto un goto,
o
un “patapum” parchè ze cascà el nono,
el
verze i oci, el varda sora e soto,
ma
dopo el se indormensa e ‘l fa un bel sono,
pensando
nel so picolo sarveo
che
dormir nel silenzio ze più beo.
Ma
se se prova a bater co un legneto
sora
‘na tola co un ritmo ben preciso,
el
bocia se desmissia e el so viseto
se
illumina de un tenero soriso
e
par che ‘l diga: “Ancora, ancora nono”
godendose
fa un re sentà sul trono.
E
alora ,ma co un fià de fantasia,
se
cambia ritmo spostandoghe l’acento;
el
pupo ride e da la so alegria
se
capisse ch’el ze proprio contento
de
scoltar sto “toc toc” o sto “plin plan”
e
dopo un poco el bate anca le man.
e
certo savarè cari letori
ch’el
rumor cadensà no ze bordeo,
ma “suono ritmato” che i cantori
ga
da fissarse ben dentro al sarveo,
in
modo che, cantando in sintonia,
se
gusta megio tuta la sinfonia.
Infati
se davanti a orchestre e cori
ghe
ze un maestro che agita le man,
no
ze par farse fresco,miei signori,
ma
par segnar el tempo a quel’ ansian
duro
de recia e un poco insemenìo
che
nei atachi resta sempre indrìo.
Anca
ne le galere venessiane
ghe
gera un tipo che s’un gran tamburo
bateva
el tempo. Sì, ma porco cane !
Quei
che vogava gera de sicuro
poco
disposti al canto cadensà,
dato che i gera tuti sensa fià.